ნუმანეს ოთხი გრძელვადიანი პროექტი ექთნებისთვის

საექთნო პერსონალის უწყვეტი პროფესიული განვითარებისა და კლინიკური კომპეტენციების გაღრმავების მიზნით, USAID-ისა და „ევექსი“ს მხარდაჭერით განხორციელდა კომპლექსური საგანმანათლებლო პროგრამა, რომლის საკვანძო კომპონენტს საექთნო ასოციაცია „ნუმანე“ -ს მიერ ოთხი გრძელვადიანი, დარგობრივი სასწავლო კურსის შემუშავება და დანერგვა წარმოადგენდა:

საექთნო მენეჯმენტი;
კრიტიკულ მდგომარეობაში მყოფი პაციენტის მოვლა და ინტენსიური თერაპია;
ქირურგიული და თერაპიული პათოლოგიების საექთნო მოვლა;
გადაუდებელი დახმარების საექთნო საქმე (Emergency Care).

სასწავლო პროგრამები აგებულია თანამედროვე საერთაშორისო სტანდარტებზე და მოიცავს როგორც სიღრმისეულ თეორიულ მომზადებას, ისე ინტენსიურ კლინიკურ-პრაქტიკულ კომპონენტს. კურსის დასკვნით ეტაპზე მსმენელთა ცოდნისა და პრაქტიკული უნარების ობიექტური შეფასება ხორციელდება საერთაშორისოდ აღიარებული OSCE-ის (ობიექტურად სტრუქტურირებული კლინიკური გამოცდა) მეთოდოლოგიით.