მამუკა ჩხაიძე

მამუკა ჩხაიძე — მედიცინის დოქტორი, პროფესორი, ანესთეზიოლოგიისა და კრიტიკული მედიცინის ლიდერი

მამუკა ჩხაიძე არის საერთაშორისო დონის ექსპერტი ანესთეზიოლოგიასა და რეანიმატოლოგიაში, მედიცინის აკადემიური დოქტორი და დარგის განვითარების ერთ-ერთი მთავარი ფიგურა საქართველოში. მას გააჩნია მრავალწლიანი მენეჯერული და კლინიკური გამოცდილება, ხელმძღვანელობდა რა ქვეყნის წამყვან სამედიცინო ცენტრებსა და აკადემიურ ინსტიტუციებს.

პროფესიული და მენეჯერული გამოცდილება: პროფესორ ჩხაიძის კარიერა მოიცავს საპასუხისმგებლო პოზიციებს ჯანდაცვის სექტორში:

●       საქართველოს ანესთეზიოლოგიისა და კრიტიკული მედიცინის საზოგადოების პრეზიდენტი.

●       სხვადასხვა პერიოდში იკავებდა ჯო ენის სახელობის სამედიცინო ცენტრის გენერალური დირექტორის, ევექსი ჰოსპიტლების გენერალური დირექტორის მოადგილისა და ივ. ბოკერიას სახელობის ჰოსპიტლის სამედიცინო დირექტორის პოზიციებს.

●       ამჟამად არის თბილისის სამედიცინო აკადემიის (TMA) ვიცე-რექტორი განათლების მიმართულებით.

საერთაშორისო განათლება და აკადემიური მოღვაწეობა: მამუკა ჩხაიძემ განათლება და კვალიფიკაცია მიიღო მსოფლიოს წამყვან კლინიკებში (აშშ, გერმანია, დიდი ბრიტანეთი, იტალია, ავსტრია). იგი არის ევროპის ანესთეზიოლოგიისა და ინტენსიური თერაპიის საზოგადოების (ESAIC) სასწავლო ცენტრის (CEEA) დირექტორი საქართველოში.

როგორც თსუ-ს ასოცირებული პროფესორი და მრავალი სახელმძღვანელოს ავტორი (მათ შორის სეფსისის მართვისა და ფილტვების ხელოვნური ვენტილაციის საკითხებში), იგი აქტიურად უწევს კოორდინაციას სამეცნიერო და საგანმანათლებლო პროცესებს. მისი ხელმძღვანელობით ფუნქციონირებს ანესთეზიოლოგიისა და რეანიმატოლოგიის ეროვნული სასწავლო ცენტრი, რომელიც დარგის სპეციალისტთა მომზადების მთავარ კერას წარმოადგენს.